蹲下來!

清明果排返大陸拜山,見到d人係街邊蹲,其實呢個景像係內地十分平常,(BTW前排有個日本仔蹲到好多粉絲)

就好似我地係香港見到d人企係街邊等人一樣咁平常.前幾日我去某間馬會投注站附近拍片,我要扮一個蹲住睇馬經既馬迷,點知比馬會職員話唔比拍佢地間野,但當我地話拍唔到佢地間投注站,佢就話唔比係投注站附近蹲,雖然我平時等人都係企住等,但我覺得蹲住等都無咩問題.有人可能話蹲住係度阻住人行,但其實你企到係條路中間都阻住人行架啦,如果蹲埋一邊,咪唔會阻到人.又可能有人話蹲住影響市容,咁點解蹲就係影響市容,行同企就唔係?

我既idea係一日(或更長時間)內唔理係咩地方等人既時候都蹲住等而唔係企住等.

嫌錢腥

我諗大家都試過買野比錢既時候,商人人唔收1毫,2毫,5毫呢D神沙.另一方面,找返黎既神沙又無人肯要.我明白商人唔收神沙,係因為銀行要收硬幣行政費,同時令到消費者唔想袋住D「價值是零」既神沙,有D人甚至會掉左D神沙,所以不時會係地上見到佢地.

因此,我諗到兩個Idea:

第一個係帶幾十蚊既1毫子去食飯,比錢果時就好似曬冷咁成堆神沙推曬比佢,之後就即刻跑走.

第二個idea係因為成日係街上有見到有人乞食,我就諗求人比錢就見得多,我就試下求人收錢,當然係求人收我既1毫子,放曬d1毫子入個乞兒兜,橦個牌寫住「派錢!小弟的毫子太多,求各善長攞一個走」